مشوك🇩🇿معسل للقلب😍مع جميع أسرار نجاحو

 مشوك🇩🇿معسل للقلب😍مع جميع أسرار نجاحو 

أول حاجة نحمص الكاوكاو في الفرن، نخليه يبرد، ومن بعد نطحنه. نطحن كمية ناعمة، ونخلي شوية طحن خشن باش نرمد به الحبات من بعد.

المقادير:

250 غ مارغرين.

نصف كأس سكر خشن.

4 صفار بيض (نخلي البياض للتغليف).

رشة ملح.

فانيلا أو مبشور قشرة الليمون.

كأس كاوكاو محمص ومطحون ناعم.

فرينة (حوالي 3 كؤوس حسب الحاجة).

نصف ملعقة صغيرة خميرة كيميائية.

نخلط المارغرين مع السكر حتى يولي الخليط كريمي، ثم نضيف صفار البيض، الفانيلا ورشة الملح، وبعدها الكاوكاو، ثم الفرينة مع الخميرة تدريجياً حتى نتحصل على عجينة متماسكة.

نغطي العجينة ونخليها ترتاح شوية إذا حبينا، أو نبدأ مباشرة في التشكيل.

نقسم العجينة إلى 32 حبة، وزن كل واحدة حوالي 30 غرام، ونكورها.

نضرب بياض البيض مع قطرة عطر ليمون أو فانيلا حتى يرغي، ثم نغمس كل حبة في البياض، وبعدها نغلفها بالكاوكاو المطحون والمنخول.

نرتب الحبات في صينية الفرن داخل الكيسات الورقية.

ندخلها فرن ساخن على حرارة متوسطة، تطهى أولاً من الأسفل، ثم نشعل عليها من الأعلى حتى تتحمر قليلاً.

بعد خروجها مباشرة وهي ساخنة، نسقي كل حبة بملعقة كبيرة من العسل، وإذا حبيتوها معسلة أكثر زيدوا شوية عسل.

بعد ما تشرب العسل، نبدل لها الكيسات الورقية ونزينها حسب الرغبة بالكونفي أو حبة كاوكاو في الوسط.

النتيجة تكون مشوك خفيف، هش، معسل، ومذاقه مثل المشوك التقليدي تاع زمان.