بتي با تحتوي على زبدة سهلة جداً
السلام عليكم ورحمة الله وبركاته.
الوصفة تاع اليوم هي البيتي بان.
نحتاجوا في هذه الوصفة:
كأس حليب دافئ.
ربع كأس زيت.
ربع كأس سكر.
حبة بيض.
ملعقة كبيرة عامرة خميرة الخبز.
كيس خميرة الحلويات.
نصف ملعقة صغيرة ملح.
فانيلا.
نجيب بول ونحط فيه كأس الحليب الدافئ، ثم نضيف ربع كأس الزيت، وربع كأس السكر، وحبة البيض، وملعقة عامرة مليح من خميرة الخبز، والفانيلا.
نخلط المقادير مليح، ولازم السكر يذوب تمامًا، وهذا واحد من أسرار نجاح الوصفة، لأنه يعطي للمخبوزات لونًا ذهبيًا جميلًا.
نواصل الخلط حتى نحس باللي السكر ذاب مليح، وبعدها نبدأ نضيف الفرينة شوية بشوية.
كي ندير الفرينة، نضيف خميرة الحلويات ونصف ملعقة صغيرة ملح، ونكمل نجمع حتى نتحصل على عجينة ملساء.
بعدها ندلك العجينة حوالي خمس دقائق حتى تولي طرية، ماشي يابسة وما تتلصقش في اليد.
نرجعها للبول ونغطيها ونخليها تخمر حتى يتضاعف حجمها.
بعدما تخمر، نفرغ منها الهواء ونقسمها إلى أربعة أجزاء، ثم كل جزء إلى قسمين حتى نتحصل على ثماني قطع.
نشكلهم كرات صغار، ونغطيهم ونخليهم يرتاحوا حوالي 10 دقائق.
بعد الراحة، نحل كل كرة بالحلال، نحل ونرد من جميع الجهات، وإذا لزقت نرش شوية فرينة.
بعدما نكمل نحلهم كامل، نبدأ ندهنهم بالزبدة الذائبة. استعملت حوالي 125 غرام زبدة، مع ترك آخر طبقة بدون دهن.
بعدها نحل العجينة على شكل مستطيل، وننحي الزوائد باش يجي الشكل مليح، ثم نقطعها بالحجم اللي نحبه.
نحط في كل قطعة شوية شوكولاتة، ثم نغلقها مليح.
بعدما يكملوا، نخليهم يخمروا مرة ثانية.
ندهن الوجه ببيضة كاملة مخلوطة مع شوية فانيلا، ثم ندخلهم إلى فرن مسخن مسبقًا على 200 درجة، وبعد إدخالهم ننقص الحرارة إلى 160–170 درجة حتى يطيبوا بهدوء ويأخذوا لونًا ذهبيًا جميلًا.
ها هو البيتي بان تاعنا بعد ما وجد، جاء روعة، ما شاء الله، وأحسن من الجاهز.