حلويات ام عبدالنور 🇩🇿🇩🇿 بقلاوة ام عبدالنور
_780000.jpeg)
بسم الله، ونصلي ونسلم على سيدنا محمد ﷺ.
أنا عبرت لكم بالكاس، وأنتم تقدروا تعبروا بالطريقة اللي ترتاحوا لها، المهم تحسبوا على حسب طول وعرض السينية. النتيجة اللي تتحصلوا عليها هي اللي تعتمدوا عليها في المقادير.
العجينة:
4 كيسان فرينة.
نصف كاس مايزينة.
3 رشات ملح.
3 أكياس فانيلا.
كاس سمن بارد ذائب.
_90000.jpeg)
_60000.jpeg)
_30000.jpeg)
نبسسوا الفرينة مع السمن مليح حتى تتشرب كامل، ومن بعد نجمعوها بماء الزهر، وإذا احتاجت نزودوا شوية ماء. العجينة ما تتدلكش، غير تتلم وتخليها ترتاح.
قسموا العجينة إلى 12 كرة متساوية، والأفضل تستعملوا الميزان باش يخرجوا كامل نفس الحجم. أنا خرجت عندي الكرة حوالي 105 غرام.
خلو الكويرات ترتاح، والأفضل تبات ليلة كاملة، وإذا ما قدرتوش خليوها على الأقل نصف نهار.
الحشو:
3 كيلات كاوكاو محمص ومطحون.
ربع كيلة سكر خشن.
رشة ملح.
رشة قرفة.
5 مغارف سمن بارد.
ماء زهر حتى يولي الحشو مرمل ومتماسك، ماشي يابس وماشي عجينة.
_360000.jpeg)
_300000.jpeg)
_270000.jpeg)
_150000.jpeg)
إذا حضرتم الحشو من الليل، دخلوه للثلاجة، لكن قبل الاستعمال خرجوه حتى يلين شوية.
حلوا 6 كويرات للطبقة السفلية، وبين كل وحدة ووحدة رشوا شوية مايزينة. فرشوها في السينية وساووا الحواف، وثقبوها بالشوكة.
فرشوا الحشو بالتساوي، وإذا حسيتوه ناشف رشوا عليه شوية ماء زهر.
بعدها حلوا 6 الكويرات الثانية بنفس الطريقة وغطيوا بها الحشو، وانفضوا المايزينة مليح من فوق.
_450000.jpeg)
_420000.jpeg)
_390000.jpeg)
_330000.jpeg)
خلوها ترتاح حوالي 20 دقيقة، ثم اقطعوها مربعات باستعمال مسطرة باش يجي التقطيع متساوي.
زوقوا كل حبة حسب الرغبة، ويمكن تثبيتها بحبات الكاوكاو أو اللوز أو الكاجو.
اسقو الوجه بالسمن البارد الذائب، ثم دخلوها للفرن على نار متوسطة حتى تطيب مليح من التحت، وبعدها حمروها من الفوق.
العسل: استعملوا عسل دافئ، والكمية تكون على حسب كمية الحشو. صبوه مباشرة بعد خروج البقلاوة من الفرن، وخلوها تشرب مليح.
_750000.jpeg)
_660000.jpeg)
_690000.jpeg)
_720000.jpeg)
_600000.jpeg)
_630000.jpeg)
_570000.jpeg)
_540000.jpeg)
بعدها زينوها بخليط من فتات اللوز والكاجو أو حسب الرغبة.
بهذه الطريقة تتحصلوا على بقلاوة مورقة، معسلة، وطعمها رائع، وإن شاء الله تنجح معاكم من أول تجربة. شهيتكم في الجنة، والله يحفظكم جميعًا.