بغيتي عشا لا تعب لا عجين لا وقاف بزااف😌نوضي ديري هاد سندويشات في وقفة تكمليهم و بلا خبز طاكوس👌😍😋
بسم الله ونصلوا على النبي محمد ﷺ. اليوم راح نديروا سندويتشات سهلة ولذيذة.
أول حاجة البطاطا، نقيوها وقطعوها، وحطوها في ماء بارد مع زوج ولا ثلاثة مغارف خل. خلوها حتى تحتاجوها، ومن بعد صفوها واقلوها. أنا قليتها مباشرة، لكن قلت نعطيكم الطريقة باش تجي أحسن.
من بعد ملحوها واقلوها. وجبت لكم المقلاة اللي دايمًا نهدر عليها، المقلاة الأسطورية، ما كاين حتى دار ما فيهاش. تجي فيها البطاطا بنينة، وإذا ديريلها شوية توابل ولا صوص تجي أروع.
هنا حضرت الحشو. قطعت حبة بصل رقيقة، وزدت نصف صدر دجاج مقطع صغار، مع ثوم مطحون، وبهارات حسب الذوق، وقليته مليح.
إذا ما عندكش دجاج تقدري تعوضيه بما هو متوفر عندك. ومن بعد زدت كريم فريش، وإذا ما عندكش ديري فرماج قابل للدهن باش يجي الحشو كريمي وما يكونش ناشف.
الوصفة سهلة بزاف وتجي بنينة.
قليت البطاطا وخليتها على جنب، والحشو راهو يطيب. أنا دايمًا نشري علبة صغيرة تاع الكريم فريش لأنها تكفيني.
كنت تعبانة وما حبيتش نعجن ولا نطيب عجينة، قلت نستعمل وريقات الديول اللي كانوا عندي في الثلاجة.
جبت وريقات الديول، وحطيت فيها فرماج مبشور، وإذا عندك شيدر ولا أي فرماج آخر استعمليه. الفرماج يعطي مذاق رائع، لكن إذا ما كانش عادي.
إذا كانت وريقات الديول ناشفة، ادهنيها بشوية حليب باش تولي طرية وما تتكسرش.
أنا استعملت زوج وريقات مع بعض، وحطيت الفرماج، البطاطا المقلية، والحشو، ومن بعد لفيتها مليح.
سخني الطاجين أو مقلاة، وادهنيها بشوية زيت، وحطي السندويتشات فوق نار متوسطة مائلة للقوية، باش يتحمروا ويولوا مقرمشين، وما تكونش النار ضعيفة بزاف حتى ما يتفتحوش.
حضري كل المكونات مسبقًا، ولما يجي وقت العشاء غير عمري السندويتشات وحمريهم.
أنا ما ننصحش تاخذوهم للبحر لأنهم يفقدوا القرمشة، لكن إذا تاكلوهم مباشرة يجو رائعين.
والله وصفة سهلة وخفيفة، وحتى أحسن من بعض المحاجب في السرعة.
والله نتمنى الصباح نلقى الفطور واجد: قهوة، وكابوتشينو، وسندويتش سخون، ونخرج نتمشى بكل راحة. صباح الخير وفطور بالصحة والهنا.