حلوى اقتصادية وراقية 😍 أحسن من الباتيسري، غير ببيضة واحدة 👍🏼 بنتها مستمرة في الفم.
_180000.jpeg)
اليوم أرواحوا نديروا هذه الحلوى السهلة والسريعة، اقتصادية وراقية. بنتها تجي ما شاء الله. نتمنى كامل تجربوها، راها رائعة.
نبدا بالمقادير:
بيضة واحدة.
نصف كأس سكر (وتقدري تضاعفي المقادير إذا حبيتي كمية أكبر).
رشة ملح.
ملعقة صغيرة مبشور الليمون.
نخلط هذه المقادير مليح بلا ما نستعمل الباتور، ثم نضيف:
نصف كأس حليب دافئ (ما يكونش خارج مباشرة من الثلاجة).
نصف كأس زيت.
نواصل الخلط حتى يذوب السكر، ثم نضيف:
ملعقة كبيرة مايزينة.
ملعقة صغيرة خميرة الحلويات.
كأس فرينة ممسوح.
ملعقة صغيرة خل.
نخلط مليح، ثم نضيف كمية من الزبيب، يكون منقوع في ماء ساخن ثم مصفى، لأنه هو اللي يعطي للحلوى ذاك المذاق المعسل.
نحضر قوالب الحلوى ونملأها إلى نصفها فقط، ثم نبشر تفاحة مغسولة ومنظفة ونضعها فوق الخليط. نرش قليلاً من القرفة، ويمكن إضافة الجوز أو الكاوكاو المحمص حسب الرغبة.
_180000.jpeg)
_120000.jpeg)
_105000.jpeg)
_15000.jpeg)
تجي خفيفة، هشة، ولذيذة جداً. تقدري تقدميها للضياف أو تاخذيها معاك، والزبيب يخليها معسلة من الداخل وطعمها رائع.
نتمنى تعجبكم هذه الطريقة وتجربوها، وبالصحة والراحة