اليوم جبتلكم كاطو الليمون. درتوه العام اللي فات وعجبكم بزاف، وما كاش عيد وما يكونش فيه كاطو الليمون. اليوم راح نبداو بالعجينة، ومنها تدو الوصفة ومنها تدو النصائح اللي يخلو الوصفة تنجح.
العجينة:
125 غ مارغرين نباتية.
نصف كأس سكر رطب.
4 ملاعق كبار زيت.
بيضة كاملة + صفار بيضة.
ملعقتان كبيرتان عصير ليمون.
مبشور الليمون.
فانيلا.
ربع ملعقة صغيرة خميرة الحلويات.
حوالي 2¾ كأس فرينة (حسب الحاجة).
نخلط المارغرين مع السكر والزيت والبيض والصفار وعصير ومبشور الليمون والفانيلا حتى يصير الخليط كريمي، ثم نضيف الفرينة مع الخميرة تدريجياً حتى نتحصل على عجينة طرية.
نفرد العجينة فوق كيس بلاستيكي حتى ما تتكسرش، ونطبعها بالقوالب. سخنوا الفرن مسبقاً، واطيبو الصابلي حتى يتحمر من الأسفل، ثم نعطيه دقيقتين من فوق فقط، وبعدها نخليه يبرد تماماً.
كريمة الزبدة:
250 غ دهان "أوبلين".
4 ملاعق كبار سكر رطب.
5 ملاعق كبار زيت.
عطر الليمون.
نخلط المكونات حتى تولي كريمة بيضاء وهشة، ثم نضيف عطر الليمون.
كريمة الليمون (سوبر كريم): إذا حبيتي تصنعيها في الدار:
كأس ماء.
ملعقة ونصف سكر.
ملعقة كبيرة مايزينة.
عطر الليمون.
نخلط الكل فوق النار حتى يثقل، ثم نخليه يبرد تماماً.
التشكيل: نحشي الصابلي بكريمة الزبدة، ونضيف في الوسط كريمة الليمون، ثم نغلق بالحبة الثانية. بعد ما نكمل كامل الحبات، ندخلهم للمجمد حوالي 20 دقيقة.
التغليف بالشوكولا: نذوب الشوكولا البيضاء على حمام مائي، ونضيف لها لون أصفر خاص بالشوكولا مع ملعقتين كبيرتين زيت. نغلف الحبات، ثم نعيدها للمجمد حوالي 10 دقائق، وبعدها نزينها بخطوط من الشوكولا البيضاء أو الداكنة، وشرائح ليمون صغيرة ورشة ذهب غذائي إذا حبيتي.
هذا الصابلي يجي هش، مقرمش، وبنكهة ليمون رائعة. يقدر يبقى عدة أيام إذا حفظتيه مليح في علبة محكمة بعد ما يبرد تماماً.
شهية طيبة، وإن شاء الله يعجبكم. تهلاولي في رواحكم، وصحة فطوركم وخيتي