اليوم عودنا ورجعنا للكحك. هاكم ما تقولولي، راني اليوم بغيت ندير معاكم الكحك. راهي النسمة والبرد، وهذا الوقت ما يبغي غير الكحك، تحملي الكوزينة واضربي فيها حبيبة كاس قهوة كحلة.
هذه هي الفايدة. نسموا الله، بسم الله، ونصلوا على النبي محمد رسول الله صلى الله عليه وسلم.
هنا راهم كاينين وصفات مكتوبة، بصح ماشي كيف اللي يشوف الفيديو. راكم تعرفوا بالعبار وكيفاش يديروه، خاصة اللي يخدموا الطلبيات.
_0.jpeg)
_60000.jpeg)
_30000.jpeg)
_120000.jpeg)
رابيت شوية ليمون، إذا عندك الليمون ديريه، وإذا ما عندكش ديري الفاني، أو اعصري نصف حبة ليمون. يعطي الكحك نكهة شابة. رابيت غير القشرة الصفراء، أما البيضاء ما توصلولهاش لأنها تعطي المرارة.
وزدت كذلك الشنان. شفت بزاف يسقسوا عليه، ما نعرفش إذا كاين في كامل الجزائر، بصح هنا نستعملوه. كاين اللي يقولك نقدر ندير الكحك بلا زرارع، بصح إذا درتيه بلا حبة حلاوة وبسباس ما يبقاش كحك، يولي بريوش حلو فقط. سر الكحك وريحتو في حبة الحلاوة، البسباس والشنان.
بعدها بديت نلم العجينة بالفرينة. استعملت فرينة النخلة، راهي شابة وخفيفة وبيضاء، والله تعطي نتيجة مليحة.
لمي العجينة حتى تولي تلصق شوية، ما تزيديش فرينة بزاف. إذا كانت تلصق غير دلكيها بقطرة زيت، تتلم وحدها، ومن بعد غطيها وخليها تخمر مليح.
أنا درتها مع المغرب وما خليتهاش الوقت الكافي، بصح الأفضل تخليها تخمر مليح، خاصة إذا درتيها بالليل وخبزتيها الصباح.
بعد ما خمرت، درت خبزة صغيرة بالسكر كما كنا نديروها بكري، والباقي شكلتو حبيبات تاع الكحك.
شعلت الفرن غير باش يسخن، وقسمت العجينة إلى 16 حبة متساوية. شكلي كل حبة على شكل حربوش بطول مناسب، وحاولي يكونوا كامل بنفس الحجم باش يطيبوا بنفس الطريقة.
حطيهم في صينية مرشوشة بالفرينة أو مفروشة بورق الطهي حتى ما يلصقوش
كي يكون الكحك مشكل، خليه يرتاح شوية حتى يزيد يخمر. في هاذ الأيام ربي يطول في الأعمار ويجبر الخواطر ويعطي كل واحد على قد نيته. واللي يهدر بكلام ماشي مليح، بينه وبين ربي. الواحد لازم يهدر بالخير ويرقد مرتاح الضمير، لأن كل واحد يعرف روحو وش دار.
ما تخلوش كلام الناس يأثر عليكم، واهتموا بصحتكم وداركم. الرسول ﷺ تكلموا فيه، ومع ذلك صبر، وإحنا أولى بالصبر. الواحد لازم يهدر باش يربح الحسنات، ماشي باش يغضب ربي.
بالنسبة للتشكيل، كاين اللي يديرهم طوال وكاين اللي يديرهم مدورين، وكل واحد على ذوقه. بكري كانت النية صافية والقلوب صافية، واليوم تبدلت بزاف أمور، بصح نقولوا: الله يستر العاقبة ويبعد علينا أولاد وبنات الحرام.
بعد ما يخمر الكحك، ادهنيه بصفار البيض مخلوط مع شوية ماء زهر أو شوية حليب. وإذا حبيتي، زينيه بالجنجلان أو رشي عليه السكر، على حسب الذوق.
دخليه يطيب، في الأول من التحت، ومن بعد شغلي عليه من الفوق حتى يتحمر ويولي لونو ذهبي.
قدميه مع كاس قهوة كحلة، خاصة في أيام البرد، يجي هايل.
أما الخبزة الصغيرة اللي بقات من العجينة، دهنتها بالبيض ورشيت عليها السكر، جات كيما الخبز الحلو اللي كنا نديروه بكري.
هذا الكحك يجي خفيف وما يابسش، ماشي كيما بعض الأنواع اللي تكسر السنان وتحتاج تغمسيها في القهوة باش تتاكل.
_180000.jpeg)
_240000.jpeg)
_210000.jpeg)
_300000.jpeg)
_270000.jpeg)
_330000.jpeg)
_420000.jpeg)
_390000.jpeg)
_480000.jpeg)
_450000.jpeg)
_570000.jpeg)
_540000.jpeg)
_510000.jpeg)
_630000.jpeg)
_600000.jpeg)
بصحتكم، وبصحة كل واحد يجرب الوصفة. أنا خدمت هاذ المرة بفرينة النخلة، وعجبتني النتيجة بزاف، خاصة في الخبز.
فكروني المرة الجاية نوريكم وصفات أخرى بالفرينة نفسها. ربي يحفظكم، ويبارك لكم في رزقكم، ويعطي كل واحد على قد نيته. تهلاو في رواحكم، وسجلوا الوصفة وجربوها، وإن شاء الله تنجح معاكم