بريوش محشي بالشوكولاته
المقادير
رطل تاع فرينة، يعني حوالي 4 كيسان، وتكون مغربلة.
مغرفة كبيرة خميرة الخبز.
4 مغارف كبار سكر.
مغرفة صغيرة لافاني.
مغرفة صغيرة مبشور الليمون.
مغرفة صغيرة خميرة كيميائية.
6 مغارف كبار زيت.
9 مغارف كبار ماء دافي.
حبة بيض.
مغرفة صغيرة ملح.
9 مغارف كبار حليب دافي.
شوكولاته للحشو.
تحضير العجينة
نخلط المقادير الجافة كامل كيف كيف.
نزيد لهم 6 مغارف كبار تاع الزيت، ومن بعد نزيد 9 مغارف كبار ماء دافي مع حبة بيض ومغرفة صغيرة ملح.
وزيد 9 مغارف كبار تاع الحليب يكون دافي.
شوفوا كي نقوللكم حليب دافي، ماشي سخون. لو كان سخون هذيك الخميرة تحرق والعجينة ما تخمركمش ويجيكم البريوش ثقيل.
نقولكم دافي، تمسوه تحسوه حاجة خفيفة، ماشي سخون.
نعجن هذه العجينة ولازم هنا تولي عندي عجينة اللي تكون تتلاصق.
إذا حسيتها ماهيش تتلاصق، زيدوا لها شوية تاع الفرينة.
شوفوا لازم تجيكم هكا.
لو كان تجي العجينة شادة روحها، البريوش تاعكم يجي ثقيل، بصح هكا يجيكم خفيف كما الريشة.
دلك العجينة والتخمير الأول
هنا دلكتها شوية ونعاود نرجعها للعجانة.
نزيد لها حاجة خفيفة تاع الزيت، نغلفها ونخليها حتى تخمر ويتضاعف حجمها.
نخليها حوالي 40 دقيقة، يعني على حسب السخانة اللي تكون في الكوزينة.
تقسيم العجينة
نحط هذه العجينة فوق البلان دو ترافاي ونبدأ نفصلها على شكل كريات.
شوفوا هنا تحبوا ديروها كريات صغار، ديرو وزن 60 غرام.
تحبوا كبار، أنا راح ندير في هذوك لي باركيت الصغار، نقسمها على 6، معناها راح ندير وزن حوالي 120 غرام.
حبيتوهم صغار ديروهم 60 غرام.
في لي باركيت يخرجوا لكم حوالي 8 حبات.
شوفوا هذيك العجينة كيفاش راهي طرية.
وهنا كي تحبوا هكذا تطموها، ديروا غير شوية تاع الزيت في يدكم، هكا قطرة برك.
تشكيل كريات البريوش
دروك نغطيها ونبدا نخدم هنا.
ما نعاودش نخليها ترتاح هكا، نغطيها باش كي نخدم بوحدة الأخرى ما ينشفوليش.
فتح العجينة
نسي كيفاش نحل هذي العجينة غير بيدي برك.
هنا كي تحلوا هذه العجينة ما تديروهاش رقيقة، ديروها خشينة.
لو كان ديروها رقيقة، كي تحطوا الشوكولا وتدخلوها تطيب، العجينة حترتق وتخرج لكم كامل الشوكولا.
شوفوا أنا كيفاش درتها هكا.
حشو البريوش بالشوكولاته
بعد جبت الشوكولاتة وراح نحشيها.
وما تخافوش تقولوا هذي الشوكولا درك تحرق ولا تنشف، راح تبقى هي هي.
ندير كمية شوية مليحة، باسك ما درتش السكر بزاف، درت غير 4 مغارف.
أنا كي درت الشوكولا عبيت هذيك المجرة، ومن بعد نطوي ونغلق مليح.
غلق البريوش
هنا شوفوا، اغلقوا وعاودوا قصوا باش يشملوا باللي كافية وما راهاش ح تنحل من الخلف.
وكي غلقتها نسقها.
بعد جبت هذوك الصغار بليموا.
نبلاتي هذه العجينة ونخليها تخمر.
وضع البريوش في القوالب
بعد كي تخمر بسهولة لافورم تاع هذوك لي باركيت.
شوفوا هنا غير تحسسوا ضغطة، تتلاصق.
قطرة تاع الزيت، كي نقول قطرة معناها غير شوية.
لو كان تكثروا النفط، لاباط ح تشرب وتجيكم ثقيلة.
ما شفتوني حليتها خشينة، درت لافارس، غلقت عليها، نسكمها مليح ونحطها في لي باركيت.
نعاود نبلاتيها ونخليها تخمر.
التخمير الثاني
أنا هنا راح نكملهم كامل ونخليهم يخمروا حتى يجوكم خفاف.
وكي يخمروا، نحضر خليط الدهن.
خليط دهن البريوش
نجيب صف بيضة ونزيد لها نصف مغرفة صغيرة لافاني، مغرفة صغيرة قهوة، ومغرفة صغيرة حليب.
إلا ما كانش عندكم قهوة ولا ما تحبوش طعمها، ديروا مغرفة كبيرة حليب.
تسخين الفرن
نشعل الفرن من تحت ونخليه يسخن مليح حوالي ربع ساعة.
دائما المعجنات كي تجيوا طيبوهم، لازم الفرن يكون سخون من قبل.
ماشي مع تشعلوا الفرن تحطوهم هكاك، حيجيكم البريوش ثقيل.
دهن البريوش
درك ندهنهم كامل بخليط البيض والحليب.
ومن بعد ندخلهم للفرن يطيبوا.
طهي البريوش
نطيبهم من تحت على درجة حرارة حوالي 220 درجة.
من بعد نشعلهم من الفوق، يدو غير تحميرة خفيفة.
كي نخرجهم نغطيهم وندير لهم لاباج.
النتيجة النهائية
أنا هنا كي طابوا قربت لكم حبة.
أنا نحيتهم من هذوك لي باركيت وقربت لكم حبة، ووراكم تشوفوا فيه كيفاش راهو خفيف والريحة تاعه تشهي.
يجي بزاف بزاف بنين.
شوفوا هنا التفصيل قدامكم، وراه يبان باللين خفيف.
الحاجة كي تكون خفيفة تبان، وكي تكون ثقيلة الوزن تبان كذلك.