هليلات الكوفريط الاقتصادية بدون زبدة
المقادير:
- زوج حبات بيض.
- نصف كأس سكر ناعم.
- فاني.
- نصف كأس زيت.
- نصف كأس مايزينا.
- فرينة حسب الحاجة (استعملت تقريبًا كأس وربع).
- ملعقة صغيرة خميرة الحلويات.
طريقة تحضير العجينة:
نبدا بسم الله، نصلي ونسلم على نبينا محمد عليه الصلاة والسلام.
نخلط زوج حبات البيض مع الفاني ونضيف نصف كأس السكر الناعم، ونخلط مليح غير بالفوي.
نزيد نصف كأس الزيت ونخلط مليح، ثم نضيف نصف كأس مايزينا ونواصل الخلط بالفوي.
بعدها نضيف الفرينة بالتدريج مع ملعقة صغيرة خميرة الحلويات، ونلم العجينة حتى نتحصل على عجينة طرية كي عجينة الصابلي.
مهم ما تيبسوش العجينة، لازم تبقى طرية شوية.
تشكيل الحلوة:
نحط شوية زيت في اليدين ونحل العجينة، ثم نقطعها دوائر صغيرة
ما ترقوهاش بزاف، خلو السمك متوسط باش تجي طرية.
نضغط عليها شوية باليد ونحضرها للحشو
تحضير الحشو
نحتاج للحشو
- كاوكاو مقلي ومطحون.
- معجون المشمش.
- يمكن إضافة شوية حلوة الترك حسب الرغبة.
نخلط الكاوكاو مع معجون المشمش حتى نتحصل على عقدة متماسكة.
ما نكثرش الحشو باش ما تخرجش الحلوة جارية.
حشو وتشكيل الهليلات
نضع كمية قليلة من الحشو في وسط قطعة العجين، ثم نغلق عليها مليح ونشكلها حتى تبقى شادة روحها.
نزيد نزينها من الفوق ونضغط شوية في الوسط.
نكمل كامل الحبات بنفس الطريقة.
الطهي:
نحط الحبات في صينية الفرن، نشعل من التحت ومن الفوق، ونخليها تطيب على نار هادئة.
ما نطيبهاش بزاف باش تبقى طرية وما تتحرقش
خرجت لي تقريبًا 32 حبة.
التزيين:
بعد ما تبرد الحلوة، ندهنها بالعسل باستعمال الفرشاة.
ثم نغمسها في الكوفريط المطحون (بسكويت الفاني مطحون).
الكوفريط يعطيها بنة رائعة ومذاق مقرمش.
النتيجة النهائية:
شوفوا ما شاء الله، حلوة اقتصادية بزوج بيضات فقط، طرية وتذوب في الفم.
ما تفرقوش بينها وبين اللي تتدار بالزبدة أو المارغرين، جربوها وإن شاء الله تعجبكم
بالصحة والهنا، تهلاو في رواحكم ونلتقي في وصفة جديدة إن شاء الله.
كثر من 30 حبة ميني بيتزا ⛔️حجم كبير و بنييينة و زيدي بلاما تطبعي ...بلخف تكملي معاها👌كثر من 30 حبة ميني بيتزا ⛔️حجم كبير و بنييينة و زيدي بلاما تطبعي ...بلخف تكملي معاها👌
حلويات العيد 2026🎈صابلي هبااال تعتبال الهبال في البنة🤤مع افضل زبدة للصابلي🤩
وصف حلوة العشرة دقايق لشرب الشاي والقهوة بدون زبدة سهلة وغير مكلفة واقتصادية